ég hef ákveðið að taka saman árið 2008, líkt og ég hef gert síðastliðin ár
Janúar:
- - Var tekin ákvörðum að fara til Svíþjóðar í Feb með bekknum.
- Byrjuðum við Marín að sauma okkur spangir... þær komu vel út og fengum nóg af pöntunum..og það gekk vel - ég byrjaði í Matarhönnunaráfanganum - Stefnumót við bændur.
- Kristófer varð 9 ára þann 27. Jan.
Febrúar:
- Við bekkurinn minn fórum til Svíþjóðar, eða ölluheldur til Stockholm á hönnunarsýninguna Stockholm Furniture Fair sem er orðin ein stæðsta hönnunarsýning í Evrópu og er hún haldin árlega... þetta var heljarinnar ævintýri, þrátt fyrir brjálað veður þegar við flugum út... Ég skoðaði líka Konstfack University listaskólann... með framhaldsnám í huga - Kryddlegin hjörtu fæddust, ásamt barnamat, söl-heilsusnakk og Sítróna norðursins í matarhönnunar áfanganum. Ákveðið var að halda áfram að vinna með Kryddlegin hjörtu og Sölsnakkið.
Mars:
- illa gekk í skólanum sökum sköpunarmorðs...
- Matarmarkaðurinn var haldinn niðrí Grandagarði, þar sem að vörurnar nýju sem fæddust á stefnumóti hönnuða og bænda voru kynntar. Markaðurinn gekk vel, troðfullt af fólki, þó svo að ég hefði viljað sjá fleiri forvitin andlit sem ég þekkti.
- Ný tegund af spöngum komu hjá okkur Maríni
Apríl:
- Eignaðist ég nýja uppáhalds búð KVK á Laugarvegi - Sumarið kom eftir mikla bið...
- Ég byrjaði í lokaáfanga vetrarins, þar sem ég hannaði eldhúsborð... það gekk ekki ein vel og ætla mætti, þar sem að kennaranum líkaði ekki við mig, sem og aðra nemendur... og fengum við að finna fyrir því!
Maí:
- Sýning var haldin í GÁ húsgöngum í Síðumúla á afrakstri erfiða áfangans.. þar sýndi ég eldhúsborðið mitt sem fékk nafnið Borð-i.
- ég kenndi dyggum blogglesendum að búa til stensil til þess að mála á vegginn.
- Við Nína Dögg fórum í ævintýraferð til Eskifjarðar og skemmtum okkur ótrúlega vel hjá Málmfríði og familý - Svo var farið á 10. ára árgangsmót sem var ótrúlega vel heppnað og skemmtilegt...enda frábært fólk í þessum árgangi mínum!
Júní:
- Sumarið kom fyrir alvöru.
- Ég fór í Brúðkaup hjá vinkonu minni henni Hildi Ísdal og Hyrti manninum hennar sem haldi var á Rifi. Gistum í bústaðnum hans Bjarna frænda á Hellnum ásamt Marín, Sjonna og Alex, og Marín passaði á meðan skotist var í brúðkaup - Ísbjörn steig á landið okkar góða..og ég sem ætlaði að eiga hann!
- Hilmar og Gunni áttu báðir afmæli þann 22. júní og farin var bústaðarferð upp í Svínadal.. við allar systurnar með familíur í frábæru veðri...og það var rosalega gaman.
- svo fórum við jómfrúarferðina með fellihýsið... vorum í viku að ferðast um Suðurland.
- byrjað var að smíða pall fyrir utan hjá okkur
Júlí:
- Írskir dagar voru, Himmi kláraði "dekkið" (gólfið) á pallinum fyrir þá helgi.
- pabbi átti afmæli
- Hilmar kláraði sumarfríið sitt og Nína Dögg byrjaði sitt sumarfrí.
- farin voru nokkur lítil ferðalög og sumarbústaðarferðir.
Ágúst:
- um verslunarmannahelgina vorum við á Flúðum og svo á Þingvöllum í góðu veðri.
- Nína byrjaði á nýja leikskólanum sínum..sem er alveg við blokkina okkar...og voða gott að vera þar.
- Ágúst mánuður fór í sundferðir og slökun heimafyrir
- Pallurinn kláraður.
- Lísbet systir mín varð 30. ára
- Skólinn byrjaði og við byrjuðum í áfanga hjá New York búanum Laureen Boym, í samstarfi við Nóa Siríus.
September:
- Nammi spilið mitt Refskák leit dagsins ljós, gekk rosalega vel og ég er mjög ánægð með útkomuna - Allt mitt ár í LHÍ, ásamt mér, fórum til Istanbúl í viku. Ævintýraferð með meiru og fallegasta borg sem ég hef komið til...frábær ferð í alla staði...nema hefði viljað hafa Himma með
Október:
- Nína Dögg varð 3 ára þann 1. Okt
- Fjármálakreppan skall á... rugl út í eitt.
- Ég byrjaði í lotu 2 í skólanum og byrjaði í áfanganum 105, sem Hrafnkell Birgisson kenndi... frábær áfangi!
- Valdi mér Múlalund til að vinna með í áfanganum 105...skemmtilegur vinnustaður - BA ritgerð byrjaði
Nóvember:
- Skjóðurnar mínar litu dagsins ljós með aðstoð starfsmanna Múlalundar og fengu fínar viðtökur.
- 3 lota byrjaði í skólanum þar sem að við hönnuðum fylgihluti undir leiðsögn Tyrknesku prinsessunnar Emel Kurhan.
- Jóhanna systir mín átti 36 ára afmæli
Desember:
- ég átti 26 ára afmæli.
- Ég skilaði af mér fylgihluta línu og kláraði þar með skólann og komst í jólafrí.
- Ég var lasin frá því að ég kláraði skólann og þangað til jólin komu og gerði þar með ekki mikið þann mánuðinn.
- Jólin komu og voru best
- Inga Birna og Gunni giftu sig 26. des
- Áramótaveisla hjá Stefáni og Hrefnu, bróðir Hilmars og frú.
Gleðilegt ár!